Президент Жапаров алты райондун жаңы акимдерин дайындады

Президент Садыр Жапаров Сузак, Алай, Тогуз-Торо, Кара-Суу, Бакай-Ата жана Нарын райондоруна жаңы акимдерди дайындады. 6-мартта жарыяланган жарлыкка ылайык, Баратбек Сыдыкназаров Сузак районунун акими кызматынан бошотулуп, ордуна Дамир Кулубаев дайындалды. 47 жаштагы Сыдыкназаров бул кызматты 2021-жылдан бери аркалап келди. Кулубаев былтыр Кара-Кулжа районунун акими кызматынан бошотулган. Кара-Суу райондук администрациясын Чыңгыз Бапаев жетектей турган болду. Бул кызматты аркалап келген Канат Табалдиев 28-февралда кызматтан бошотулуп...