Муфтият кыргызстандыктарды кичи ажыга барбай турууга чакырды

Кыргызстан Мусулмандарынын дин башкармалыгы (муфтият) Жакынкы Чыгышта абал курчуганына байланыштуу авиакаттамдар үзгүлтүккө учурап, форс-мажордук абал жаралып жатканы боюнча кайрылуу таратты. Анда муфтият ушул тапта Мекке, Медина шаарларында кичи ажылыгын өтөп жүргөн кыргызстандыктарды кырдаалды түшүнүү жана сабырдуулук менен кабыл алууга чакырды. Ошондой эле аларды фирмалардын жана умра башчылардын көрсөтмөлөрүнө баш ийип, абалдын жөнгө салынышына жана рейстердин калыбына келишине чейин дүрбөлөңгө түшпөстөн, сабырдуулук менен күтүүгө үндөдү.