Израил Тегеран менен Бейрутка сокку урганын билдирди

Израилдин Коргоо армиясы (ЦАХАЛ) 3-мартта Ирандын борбору Тегеран менен Ливандын баш калаасы Бейрутка сокку урганын ырастаганын Би-Би-Си жазды. “Учурда ЦАХАЛ бир эле маалда Тегерандагы жана Бейруттагы аскердик буталарга сокку урууда”, - деп жазылган билдирүүдө. Соккулар израилдик аскерлер Бейруттун түштүк тарабындагы калктуу аймактарга жана ондогон айылга эвакуациялануу тууралуу “шашылыш эскертүүсү” берилгенден кийин жасалды. ЦАХАЛ Иран бийлиги колдогон “Хезболла” тобуна тиешелүү кампаларды жана командалык борборлорду бутага алганын белгиледи.