Трамп Ирандын Жогорку руханий лидери аятолла Али Хаменеи каза болгонун билдирди

"Дүйнөдөгү эң карөзгөй адамдардын бири мерт болду. Бул Ирандын эли үчүн гана эмес, Хаменеи жана анын канкор корбашылары өлтүргөн, майып кылган мыкты америкалыктар, дагы далай өлкөлөрдүн жарандары үчүн адилеттик", - деп жазды АКШ президенти Truth Social соцтармагындагы постунда. 28-февралдын кечинде бир катар эл аралык маалымат каражаттары, анын ичинде Reuters Израилдин жетекчилигиндеги өз булактарына таянып, Ирандын Жогорку руханий лидери, аятолла Али Хаменеи ушул эле күнү жасалган аба чабуулдардан жан таслим болгонун кабарлашкан.