Алагөзов Манас шаарынын аталышы өзгөртүлбөй турганын айтты

Президент Садыр Жапаровдун маалымат катчысы Аскат Алагөзов Жалал-Абад облусундагы Манас шаарынын аталышы тууралуу жоромолдорго чекит койду. Ал Фейсбуктагы баракчасы аркылуу шаардын аталышы Манас бойдон каларын билдирди. "Соцтармакта айрымдардын Жалал-Абад облусунун Манас шаары мурунку аталышын алат экен деген өңдүү маалыматтары чындыкка дал келбейт. Манас шаарынын аталышын өзгөртүү боюнча маселе каралган жок жана каралбайт. Шаар Манас деген азыркы аталышы менен эле калат", - деп жазды маалымат катчы.