ТИМ кыргызстандыктарды Мексикага барбай турууга чакырды

Кыргызстандын Тышкы иштер министрлиги (ТИМ) жарандарды Мексиканын бир катар аймактарындагы башаламандыкка байланыштуу кырдаал турукташканга чейин ал жакка барбай турууга чакырды. Ошондой эле учурда Мексиканын аймагында жүргөн кыргызстандыктарга коопсуздуктун күчөтүлгөн чараларын сактоо, адамдар көп чогулган жайлардан алыс болуу жана жергиликтүү бийлик органдарынын көрсөтмөлөрүн так аткаруу сунушталды. ТИМ өзгөчө кырдаал жаралган учурда Кыргызстандын АКШ жана Канададагы элчилигине кайрылуу зарылдыгын билдирди.