БШК Кундузбек Сулаймановдун депутаттык мандатын алды

Борбордук шайлоо комиссиясы 23-февралдагы отурумунда Жогорку Кеңештин депутаты Кундузбек Сулаймановдун мандатын өз арызынын негизинде жокко чыгарды. Отурумда мындай чечим бир добуштан кабыл алынды. Кундузбек Сулайманов Улуттук коопсуздук боюнча мамлекеттик комитеттин (УКМК) мурдагы төрагасы Камчыбек Ташиевге жакын адамдардын бири. Өткөн аптада ал “Мекенчил” депутаттык тобунун жетекчилигинен кетип, ордуна жаңы гана мандат алган Талант Мамытов лидер болгон. Сулайманов ал учурда депутаттык мандатын тапшырбай турганын айткан.