Кадырбек Атамбаев менен Эрмек Эрматов камакта калтырылды

20-февралда Бишкек шаардык соту мурдагы президент Алмазбек Атамбаевдин уулу Кадырбек Атамбаевди камакта калтыруу боюнча Биринчи май райондук сотунун чечимин күчүндө калтырды. Бул тууралуу адвокаты Нурбек Токтакунов билдирип, шаардык сот 19-февралда бул иш боюнча шек саналып жаткан “Социал-демократтар” партиясынын мүчөсү Эрмек Эрматовду да 17-мартка чейин камакта калтырганын айтты. 2025-жылдын 22-ноябрынын таңында социалдык тармактарда бир катар саясатчылардын үйү тинтилип, кармалганы тууралуу маалыматтар тараган.