Оштун жаңы мэри Акаев президент "таза иште" деп талап койгонун айтты

Ош шаарынын жаңы мэри Жанарбек Акаев мэрлик кызматты президент Садыр Жапаров сунуштаганын айтып, шаардагы маселелерди чечүү тууралуу журналисттердин суроолоруна жооп берди. Ал Ошто жол тыгыны, башаламан курулуштар сыяктуу көйгөйлөр бар экенин айтып, мыйзамсыз делген курулуштарды буздурууда элдин да пикири эске алынарын айтты. “Өлкө жетекчилиги “жаш, тың жана эң негизгиси, буга чейинки баскан жолу таза болсун, колу булганбаган болуш керек” деген талаптарды койду. Ошонун негизинде мен Ош шаарына келип отурам”, - деди ал.