Улуттук коопсуздук комитети ишкерлерди коргойбу?

УКМКнын жаңы жетекчилигине бизнести коргоо, ишкерлерди ыксыз текшерүүнү токтотуу боюнча талаптар парламентте айтылды. Буга удаа эле президент Садыр Жапаров да инвесторлорду чочуткан укук коргоо кызматкерлерине аёо болбой турганын эскертти. Буга чейин таасири күч атайын кызматка мүлктөрдү тартып алуу, коррупцияга каршы күрөштө мыйзамдын сакталышы боюнча сын-дооматтар айтылып келген. Бул жагдайлар алдыда кандай болуп өзгөрөт?