№13 округдан шайланып келгендерге мандат ыйгарылды

Борбордук шайлоо комиссиясы (БШК) 18-февралдагы отурумунда №13 шайлоо округунан 30-ноябрдагы Жогорку Кеңештин депутаттарын шайлоодо арбын добуш алган үч талапкерге: Талант Мамытовго, Айбек Алтынбековго жана Айгүл Карабековага депутаттык мандат берүүнү чечти. 13-февралда Борбордук шайлоо комиссиясы Жогорку Кеңештин депутаттарын шайлоодо №13 округдагы жыйынтыкты өзгөртүп, сөз болуп жаткан үч талапкерди жеңүүчү деп тапкан. Кыргызстанда Жогорку Кеңешке мөөнөтүнөн мурда шайлоо 2025-жылдын 30-ноябрында өткөн.