Кышкы Олимпиада: кыргызстандык Шакиров тоо лыжасынан 62-орунду алды

Италияда өтүп жаткан Кышкы Олимпиада оюндарында кыргызстандык Тимур Шакиров тоо лыжасынын гигант слалом түрү боюнча жарышта 62-орунду ээледи. Спорттун бул түрү боюнча 81 спортчу 14-февралда жарышты. Шакиров биринчи аракетте белгиленген аралыкты 1 мүнөт 29,52 секундда тээп өтүп, 67-орунду ээлеген. Экинчи аракетти 1 мүнөт 22,5 секунд менен жыйынтыктап, 63-катарга турган. Жалпы жыйынтыкта ал 62-орунду ээледи. Эми Шакиров 16-февралда слалом боюнча жарышка чыгат. Италиядагы Кышкы Олимпиада оюндарына быйыл Кыргызстандан эки спортчу катышууда.