Президент Жапаров тажик өкмөт башчысы менен эки тараптуу кызматташтыкты талкуулады

Президент Садыр Жапаров 13-февралда Бишкекке иш сапар менен келген Тажикстандын премьер-министри Кохир Расулзоданы кабыл алды. Президенттин администрациясы билдиргендей, Жапаров жолугушууда кыргыз-тажик кызматташтыгын мындан ары кеңейтүүгө маани берилерин айтты. “Мындан тышкары, президент терроризм, диний экстремизм, баңгизаттардын мыйзамсыз жүгүртүлүшү, уюшкан кылмыштуулук сыяктуу трансчекара коркунучтарга каршы күрөшүүдө күч-аракеттерди бириктирүүнүн зарылдыгын баса белгиледи”, - деп жазылган маалыматта.