Министрлик МИК салып жаткан үйдөгү мүчүлүштүктөр жоюлганын билдирди

Курулуш, архитектура жана турак жай-коммуналдык чарба министрлиги Мамлекеттик ипотекалык компания Каракол шаарында куруп жаткан көп кабаттуу үйдөгү мүчүлүштүктөр тууралуу комментарий берди. Мекеменин маалыматында турак жай шаардын Тоголок Молдо жана Кусеин Карасаев көчөлөрүнүн кесилишинде курулуп жатат. Курулуш министрлигине караштуу Мамлекеттик архитектура-курулуш контролдоо департаментинин Ысык-Көл региондук башкармалыгы текшерүү жүргүзүп, курулуш талаптарына жооп бербеген газоблоктор буздурулду.