Тажикстан Кытай жарандары үчүн визасыз режим киргизүүнү караштырып жатат

Тажикстан Кытай жарандары үчүн визасыз режим киргизүү мүмкүнчүлүгүн караштырып жатат. Бул тууралуу Туризмди өнүктүрүү комитетинин төрагасы Жамшед Жумахонзода билдирди. Анын айтымында, мындай чара туризмди өнүктүрүү менен катар экономиканын бир катар башка маанилүү тармактарына да салым кошуусу мүмкүн. Кытай Тажикстан үчүн ири туристтик рынок бойдон калууда. Ошондой эле араб өлкөлөрүнөн, УлууБританиядан, Германиядан, Франциядан, Орусиядан жана Түштүк Кореядан келген туристтердин кызыгуусу өсүп жатканы байкалууда.