ТИМ "Азаттыктын" Иракта кармалган кыргызстандык аял тууралуу макаласы боюнча маалымат берди

Кыргызстандын Тышкы иштер министрлиги «Азаттыктын» Иракта убактылуу кармоочу жайда эки ай камакта отуруп чыккан кыргызстандык аял тууралуу жарыялаган материалына байланыштуу расмий маалымат таратты. ТИМ билдиргендей, Ирак Республикасынын аймагында кармалган Кыргызстандын жараны Асел Жээналиева тууралуу социалдык тармактарда маалыматтар 2025-жылдын 7-ноябрында тараган. Ушул учурдан тартып Кыргызстандын Кувейттеги элчилиги аталган жаранга консулдук-укуктук жардам көрсөтүү максатында ыкчам иштерди баштаган.