Аба ырайы: айрым аймактарда кар жаайт

Өзгөчө кырдаалдар министрлиги өлкөнүн тоолуу аймактарында кар көчкү коркунучу сакталып турганына байланыштуу тоолуу жолдордо, ашууларда кар көчкү түшүүсү ыктымал экенин эскертүүдө. Унаалардын ортосундагы 500 метр аралык сакталышы зарыл. 3-февралда түнкүсүн Талас, Жалал-Абад, Баткен облустарынын айрым жерлеринде жаан, кар, тоолуу райондорунда кар жаайт. Күндүз айрым жерлерде жаан, кар, тоолуу райондордо кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрге жетет.