Бишкекте "Туткун" аттуу көркөм тасманын бет ачары өттү

"Туткун" тасмасында Экинчи дүйнөлүк согушта колго түшкөн Калмурат аттуу адамдын тагдыры баяндалат. Ал советтик бийликтин саясатынан улам мекенине келе албай, тынымсыз кат жазып жүрүп, акыры жооп келгенде жүрөгү кармап көз жумат. Тасма эки өлкөдө, Кыргызстанда жана Германияда тартылган. Абды Сатаров, Жеңиш Сманов, Канатбек Шабдалиев, баштаган актерлор жана эки тараптагы жергиликтүү тургундар роль жараткан. Режиссер Темир Бирназаровдун айтымында, тасма жаратууга Германиядагы кыргыздар көмөктөшкөн.