Бишкекте жол инспекторун унаасы менен сүрүп кеткен айдоочу кармалды

Бишкекте Жол кыймылынын коопсуздугун көзөмөлдөө башкармалыгынын инспекторуна баш ийбей, аны унаасы менен кыйлага чейин сүрүп барган айдоочу кармалды. Ленин райондук ички иштер башкармалыгынын (РИИБ) басма сөз кызматы кабарлагандай, 19-январь күнү саат 18:00 чамасында патрулдук инспектор "Тойота Эстима" унаасын токтоткон. Бирок айдоочу ага баш ийбей, унаанын жүрүшүнө тоскоолдук кылууга аракеттенген инспекторду 50 метрдей жерге сүрүп барган. Милициянын маалыматына караганда, ал унааны мас абалында, айдоочулук күбөлүгү жок айдап жүргөн.