Президент Жапаров Бишкекте МИК курган батирлердин чарчы метри 950 доллардан айланганын айтты

Мамлекеттик ипотекалык компания (МИК) курган жаңы батирлер бүгүн, 12-январда ээлерине тапшырылды. Бул тууралуу президенттин басма сөз катчысы Аскат Алагөзов маалымдады. Бишкектеги "Мурас" турак жай комплексиндеги батирлердин ачкычтары ээлерине президент Садыр Жапаровдун катышуусунда тапшырылды. Мамлекет башчы салтанаттуу иш-чарада сүйлөп жатып, ипотеканын баасы тууралуу маалымат берди. Садыр Жапаров МИК курган үйлөр ээлерине баштапкы төлөмсүз, 25 жылдык мөөнөткө, 4-8% үстөк менен берилип жатканын белгиледи.