БШК №13 округ боюнча шайлоочулардын тизмесин жарыялады

Борбордук шайлоо комиссиясы №13 округунда өтө турган Жогорку Кеңештин депутаттарын кайра шайлоо боюнча добуш берүүчүлөрдүн тизмесин "Тизме" порталына жайгаштырды. Шайлоочулардын тизмесин Калктын бирдиктүү мамлекеттик реестринде (КБМР) камтылган маалыматтарынын негизинде Президентке караштуу Иш башкармалыгынын алдындагы "Кызмат" мамлекеттик мекемеси түзгөн. Шайлоочулардын биротоло тизмелери 2026-жылдын 13-январына чейин 94 шайлоо участокторунда илинет. Тизмеде 161 347 шайлоочу болсо анын 80 394 же 49,83% эркектер, 80 953 же 50,17% аялдар.