Жибектин өлүмү: Ташиев укук коргоо органдарынын ишин сынга алып, жоопкерчилик тууралуу эскертти

27-декабрда УКМКнын төрагасы Камчыбек Ташиев Ысык-Көл облусу боюнча башкармалыгынын Ак-Суу райондук бөлүмүнүн жаңы имаратынын ачылышында сөз сүйлөп жатып, укук коргоо жана күч органдарынын ишин сынга алды. Ал өлкөнүн укук коргоо жана күч органдары өз милдеттерин так аткарбай жаткандыктан аялдардын, балдардын укуктары корголбой, зомбулук көрсөткөндөрдүн айынан ушундай абал жаралып жатканын айтты. Ошондой эле Ташиев жакында күйөөсүнүн колунан каза тапкан Жибек Урустемованын өлүмүнө ар бир кызматкер жоопкер экенин белгиледи.