Марат Нуралиев Кыргызстандын Катардагы элчисинин кызматынан бошотулду

Президент Садыр Жапаровдун жарлыгында Марат Нуралиевдин эмне себептен кызматтан алынганы көрсөтүлгөн эмес. Айрым булактар Катардагы элчи Нуралиевдин жүрүм-турумуна байланыштуу кызматтык териштирүү жүрүп жатканын буга чейин “Азаттыкка” кабарлашкан. 46 жаштагы Марат Нуралиев 2023-жылдын декабрында Катардагы Кыргызстандын элчисинин кызматына дайындалган. Ал ага чейин Эмгек, миграция, жаштар саясаты министринин орун басары болуп эмгектенген.