Сирия: Алепподо армия менен күрт күчтөрү кагылышты

Сириянын Алеппо шаарында өкмөттүк күчтөр менен күрт кошуундары кагылышты. 22-декабрдагы куралдуу жаңжалда ондогон адам жараат алып, үч киши мерт кетти. Бул күрт кошуундары Дамаск менен түзүлгөн макулдашууга ылайык, жыл аягына чейин Сирия армиясынын курамына кириши керек эле. Азырынча эки тарап тең ок атышууну токтоткону кабарланды.