Бишкекте негизги көчөлөрдүн аталышын өзгөртүү сунушу шаардык кеңешке түштү

Бишкек шаардык мэриясы шаардык кеңешке борбордогу бир нече аталышка бөлүнгөн айрым негизги көчөлөрдүн аталышын бириктирүү тууралуу токтом долбоорун кароого киргизди. Ага ылайык, Бишкектин батыш жана чыгыш бөлүгүн түз байланыштырган узун көчө азыркы кезде Фрунзе (Новопавловка айылы) көчөсү, Ден Сяопин, Чүй жана Шабдан баатыр проспектилери деген аталыштагы бир нече бөлүктөн турат. Аны башынан аягына чейин Чүй проспекти деп атоо сунушталды. Демилге колдоо тапса Лев Толстой, Путеводная жана Сары Өзөн...