Долондо жүк ташыган машиналарга убактылуу чектөө киргизилди

Бүгүн, 8-декабрда 9.00дөн тартып Бишкек-Нарын-Торугарт жолундагы Долон ашуусунда жүк ташыган машиналарга убактылуу чектөө киргизилди. Бул тууралуу "Кыргызавтожол" мекемеси кабарлады. Бишкек-Ош жолунун Ала-Бел ашуусунда 7-декабрда саат 21:00дөн тарта жүк ташуучу машиналарга киргизилген убактылуу чектөө күчүндө экенин, кошумча маалымат берилерин билдирди. "Өлкөнүн тоолуу аймактарында, анын ичинде Төө-Ашуу жана Өтмөк ашууларында кар жаап жатат. Жолчулар күнү-түнү иштеп, жолдорду кардан тазалоо жана инерттик материалдарды себүү иштерин жүргүзүүдө.