Израилдин айынан бир нече мамлекет Eurovision сынагына катышуудан баш тартты

Израил май айында Венада өтө турган Eurovision 2026 сынагына катышмай болду. Мындай чечим 4-декабрда Женевада өткөн Европалык телерадио берүүлөр бирикмесине (ЕВС) таандык Башкы ассамблеянын жыйынында кабыл алынды. Бул чечим жарыяланган соң эле Нидерланд, Испания, Ирландия жана Словения ыр сынагына катышуудан баш тартышты. Буга чейин бир катар өлкөлөрдүн улуттук телерадио компаниялары эгер Израилге катышууга уруксат берилсе иш-чараны бойкотторун эскертишкен. Алар мындай кадамга Газа тилкесиндеги согуш үчүн барышты.