"Клооп" мурдагы операторлору коюлган күнөөнү мойнуна алган көрсөтмөдөн баш тартканын билдирди

“Клооп” мурдагы операторлору Жоомарт Дуулатов менен Александр Александров 16-сентябрда Бишкектин Биринчи май райондук сотунда өткөн соттук отурумда тергөөдө коюлган күнөөнү мойнуна алган мурдагы көрсөтмөсүнөн баш тартышканын жазды. Алар коюлган кинени басымга кабылып жана “бошотобуз” деген убададан кийин аргасыз мойнуна алганын айтышканы кабарланды. Соттук жараянда көрсөтмө берген Жоомарт Дуулатов менен Александр Александров Улуттук коопсуздук боюнча мамлекеттик комитетте (УКМК) адвокаттары жок сурак беришкенин, мажбурлоо болгонун айтышкан.