Ысык-Көлдүн экологиялык абалы изилденет

Ысык-Көлдү сактап калуу жана анын айланасындагы аймакты натыйжалуу башкаруу боюнча жумушчу топ түзүлдү. Ага суу ресурстары, айыл чарба жана кайра иштетүү өнөр жайы министри Бакыт Төрөбаев жетекчилик кылат. Бул тууралуу Жаратылыш ресурстары, экология жана техникалык көзөмөл министрлиги билдирди. "Аталган топ "Ысык-Көл" экология-экономикалык тутумунун социалдык-экономикалык жана экологиялык абалын комплекстүү изилдеп, анын туруктуу өнүгүүсүнүн Концепциясынын долбоорун иштеп чыгат жана башка бир катар маанилүү милдеттерди да аткарат"...