Эл аралык уюмдар Борбор Азия лидерлерин адам укуктары боюнча убадаларын аткарууга чакырышты

Сегиз эл аралык уюм Борбор Азия мамлекеттеринин лидерлерин адам укуктары боюнча берген убадаларын аткарууга чакырышты. Алар чөлкөмдөгү өлкөлөрдүн президенттерин адам укуктарына артыкчылык берүүгө жана Европа Биримдиги—Борбор Азия саммитинде айтылган убадаларды аткарууга үндөштү. Аталган кайрылууга Civil Rights Defenders, International Partnership for Human Rights, Araminta, Freedom Now, Норвегиянын Хельсинки комитети, People in Need, International Federation for Human Rights жана World Organisation Against Torture уюмдары кол коюшту.