Кыргызстан менен Тажикстандын суу чарба объектилери боюнча макулдашуу ратификацияланды

Президент Садыр Жапаров Кыргызстан менен Тажикстандын өкмөтүнүн ортосундагы суу чарба жана энергетика объектилерине жеткиликтүүлүктү камсыз кылуу боюнча макулдашууну ратификациялоо тууралуу мыйзамга кол койду. Бул макулдашуу эки мамлекеттин аймагында жайгашкан чарбалык жана энергетикалык объекттерге тоскоолдуксуз баруу үчүн кабыл алынган. “Андан тышкары үч дарбазасы бар башкы плотинаны жана Ак-Татыр/Мачои каналынын башкы суу алуучу курулмасын биргелешип иштетүү сунушталууда”, - деп жазылат президенттин басма сөз кызматы тараткан маалыматта.