Конгресстин 40тан ашуун мүчөсү Трампка кат жолдоп, “Азаттык” боюнча буйругун жокко чыгарууга чакырды

25-мартта АКШнын мыйзам чыгаруу органы болгон Конгресстин ондогон мүчөсү президент Дональд Трампка кат жазып, АКШнын Глобалдык медиа агенттигин (USAGM) жабууну көздөгөн буйругун жокко чыгарууну талап кылышты. Алардын пикиринде, бул буйрук USAGM менен байланышы бар "Эркин Европа/Азаттык" радиосу сыяктуу уюмдарга зыян келтирип, АКШнын душмандары Орусияга, Кытайга, Иранга жана Түндүк Кореяга жардам берет. Конгресстин 40тан ашуун мүчөсү кол койгон катта "USAGMди жабуу АКШнын дүйнөдөгү аброюна жана таасирине сокку болот" деп айтылат.