Кыргызстанда сейрек ооруларды эрте аныктаган лаборатория жок

Кыргызстан балдардын сейрек ооруларын аныктай турган генетикалык лабораторияларга муктаж. Бул тууралуу Саламаттык сактоо министрлиги менен Улуттук эне жана баланы коргоо борборунун адистери 25-мартта өткөн маалымат жыйынында билдиришти. Балдар неврологу Нурмухамед Бабажановдун белгилешинче, Кыргызстанда ооруну эрте аныктаган генетикалык лабораториялар жоктугунан улам анализди башка өлкөгө жиберүүгө туура келет. Дарыгер жүлүн (омуртка) булчуңунун атрофиясын дарылоо ооруну аныктаган этапка жараша болорун белгиледи.