Баткен облустук милициясы блогер Жолболдуеванын билдирүүсү боюнча териштирүү башталганын билдирди

Баткен облустук милициясынын басма сөз кызматы блогер Батмакан Жолболдуеванын милициянын убактылуу кармоочу жайында кармалып турганда зордук-зомбулук көргөнүн айтканы тууралуу ички иликтөө иштери башталганын билдирди. Мекеменин басма сөз катчысы Дамира Юсупова Жолболдуева колун кескен окуя 2022-жылы 13-мартта болгонун, бул боюнча “Тез жардам” чакырылып, медициналык жардам көрсөтүлгөнүн тактады. Бул окуянын негизинде ички иликтөө жүрүп, онго жакын кызматкерге жаза чарасы колдонулганын белгиледи.