Учак кырсыгынан улам 26-декабрда Азербайжанда аза күтүү жарыяланды

Азербайжан бийлиги Баку-Грозный каттамындагы жүргүнчү учактын эмне себептен кырсыкка учураганы азырынча белгисиз экенин билдирди. «Азаттыктын» азери редакциясы жазган маалымат боюнча, президент Илхам Алиев окуяны «чоң трагедия» деп атады, түрдүү версиялар бар экенин, бирок иликтөө аяктамайынча кырсыктын себептерин айтуу эрте болорун белгиледи. Анын алдында өлкөнүн Башкы прокуратурасынын өкүлү Кенан Зейналов казак тарап менен бирге иликтөө жүрүп, бардык ыктымал версиялар каралганын, зарыл болгон экспертиза жасалып жатканын айткан.