Казакстанда кулаган учактагы үч кыргызстандык ооруканада, биринин абалы оор экени кабарланды

Кыргызстандын Тышкы иштер министрлиги Актауда кулаган учакта үч кыргыз жараны болгонун тактады. Мекеменин маалыматына караганда, азыр үч жаран тең Мангыстау облустук ооруканасында жатат. Алар 2004, 1998, 1988-жылы туулган жарандар.  Биринин абалы оор, калган эки жарандын өмүрүнө коркунуч жок экени, баарына керектүү медициналык жардам көрсөтүлүп жатканы кабарланды.   Казакстандын Саламаттыкты сактоо министрлигинин акыркы маалыматына караганда, учак кырсыгында аман калган 29 кишинин 27си ооруканага жеткирилген, 11и реанимация бөлүмүндө.