Акыйкатчы институту тергөө абагында 20дан ашык киши ачкачылык кармап жатканын ырастады

Акыйкатчы институту 23-декабрда Бишкек шаарындагы №21 мекемеде (№1 тергөө абагы) отургандардан кабар алганын билдирди. Мекемеден "Азаттыкка" маалымдашкандай, абакта кармалгандар 20дан ашык киши 20-декабрдан бери ачкачылык кармап жатканын айтышкан: "Акыйкатчы институту кармалгандардын айрымдарынын дене-боюн карап чыкты. Алардын ичинен экөө К.Д. жана Д.Ш. акыйкатчынын атына арыз менен кайрылып, тергөө абагынын кызматкерлери күч колдонгонун тастыкташты. Айтымында, аларды союл менен сабап, тепкилешкен.