Пакистанда согушкерлер Ооганстан менен чек ара аймагында ондон ашуун аскерди өлтүрүп кетишти
21-декабрда Пакистанда согушкерлер Ооганстан менен чек ара аймагында ондон ашуун аскерди өлтүрүп кетишти. Полициянын өкүлү Хидаят Уллах «Машаал» радиосуна билдиргендей, жоочулар Түштүк Вазиристандагы текшерүү пунктуна кол салганда коопсуздук кызматынын 16 өкүлү окко учту, сегизи жараат алды.
Чабуулду «Техрик-и Талибан Пакистан» (ТТП) уюму уюштурганын моюнуна алды. Алардын айтымында, пакистандык 35 аскер набыт болду. Журналисттер бул санды көз карандысыз булактардан бышыктай алган жок.
Канча согушкер каза тапканы айтылган жок.
Заголовки