Быйыл бөйрөк алмаштыруу боюнча 20 операция акысыз жасалды

Саламаттык сактоо министрлиги быйыл Эне жана баланы коргоо улуттук борбордун трансплантология бөлүмүндө мамлекеттин эсебинен 20 бөйрөк алмаштыруу операциясы жасалганын, жылдын аягына чейин дагы 2 операция жасаларын билдирди. 2025-жылы бюджеттик негизде мындай 50 операцияны кылуу пландалган. Бөйрөк алмаштыруу операциясы Эне жана баланы коргоо улуттук борбордун базасында кыргызстандык хирургдардын аракети менен 2018-жылдан бери жүргүзүлүп келет. Андан бери жалпы 62 операция жасалып, анын 20сы 2024-жылы болду.