ЖКда туннелдер үчүн акыны көбөйтүү сунушу күн тартибинен алынды

Транспорт жана коммуникация министрлигинин Бишкек-Ош автоунаа жолундагы туннелдерден өтүү үчүн алынчу төлөмдүн баасын көбөйтүүнү сунуштаган мыйзам долбоору Жогорку Кеңештин тармактык комитетинин кароосунан алып салынды. Аталган мыйзам долбоору Жогорку Кеңештин Транспорт, коммуникациялар, архитектура жана курулуш комитетинин 3-декабрдагы жыйынында 3-окуудан каралды. Транспорт жана байланыш министрлиги Бишкек-Ош автожолундагы туннелдерден өтүү үчүн акы төлөөдөн бошотулгандардын санын азайтууну жана акынын өлчөмүн көбөйтүүнү сунуштаган.