Өзбекстанда президенттин күйөө баласынын жардамчысы кармалды

Өзбекстанда Маалыматтык саясат департаментинин мурдагы жетекчиси, президенттин улуу кызынын өнөктөшү деп айтылып жаткан Комил Алламжоновго кол салуу аракети боюнча президенттин коопсуздук кызматынын мурдагы кызматкери Шухрат Расулов кармалды. "Озодлик" радиосу өз булактарына таянып жазганына караганда, Расулов президенттин күйөө баласы Отабек Умаровдун "оң колу" деп саналчу. Маалыматка ылайык, "Жигули" жана "Колобок" деген лакап ысымдары менен таанымал Расулов Алламжоновду өлтүрүүгө буйрук берген деп шектелүүдө.