Пакистанда 11 күч кызматкери кол салуудан мерт болду
Пакистанда күч кызматкерлерине каршы жасалган чабуулдан кеминде 11 кишинин өмүрү кыйылды, дагы он киши жараат алды. Бул тууралуу "Машаал" радиосу 20-ноябрда кабарлады.
Кол салуу 19-ноябрдын кечинде өлкөнүн эң кооптуу жана тынчсыз аймагы болуп эсептелген Хайбер-Пахтунхва провинциясынын түндүк-батышындагы Банну шаарында болгону, коопсуздук кызматкерлери бараткан автомашина бутага алынганы, жарылуу жана атышуу болгону кабарланды.
Жергиликтүү тургундар "Машаал" радиосунун кабарчыларына айтып беришкендей, атышуу жарым түнгө чейин уланды.
Заголовки