Абхазияда активисттер кармалгандан кийин нааразылык тутанды

Грузиянын курамындагы жикчил Абхазиянын башчысы Аслан Бжания бүгүн, 12-ноябрда Коопсуздук кеңешинин чукул жыйынын өткөрүп, Москва колдогон бул аймактын борбор калаасы Сухумидеги окуяны талкуулады. Дүйшөмбүнүн кечинде оппозиция өкүлдөрү нааразылык акциясын өткөрүп, ага чейин кармалган активисттерди бошотууну жана орусиялык инвестициялык долбоорду токтотууну талап кылып, шаардын борбордук аянтына чогулушкан жана бир нече көпүрөнү торошкон. Беш активистти полиция Сухумиде аймактык парламенттин депутаттарынын...