Польшадан депортацияланган тажик активисти мекенинде 23 жылга кесилди

Тажикстандагы оппозициялык активист Фаррух Икромов 23 жылга эркинен ажыратылганын "Озоди" радиосу кабарлады. Тажикстандагы саясий туткундарды коргоо боюнча Польшада жайгашкан Жарандык комитеттин жетекчиси Абдусоттор Бобоевдин сөзүнө караганда, Икромовду өткөн айда Дүйшөмбүдө тергөө абагынан түрмөгө которушкан. Маалыматты "Озодиге" Европада жашаган тажик активисти Саидисхок Бобоев да ырастады. Анын сөзүнө караганда, Тажикстанда "жабык мекемеден жакында бошотулган адам активистти тергөө абагынан түрмөгө которуп жатышкан учурга күбө болгон.