Саламаттык сактоо министрлиги трансгендерлүү жарандарга көмөк көрсөтүү боюнча жобо даярдады

Саламаттык сактоо министрлиги трансгендерлүү жарандарга медициналык-социалдык көмөк көрсөтүү боюнча жобонун долбоорун коомдук талкууга чыгарды. Документте трансгендерлүү жана ар кандай гендерлүү адамдарга көрсөтүлүүчү медициналык-социалдык жардам жана алардын гендердик иденттүүлүгүн медициналык күбөлөндүрүүнүн тартиби жазылган.   Мекеменин маалыматында 2020-жылы алгачкы жолу трансгендерлүү адамдардын арасында формативдик баалоо жүргөнү, азырынча алардын санын так аныктаган көрсөткүчү жок экени жазылган.