Президенттин пресс-катчысы гимнди өзгөртүү сунушу төраганын жеке пикири экенин билдирди

Президент Садыр Жапаровдун басма сөз катчысы Аскат Алагөзов парламент төрагасы Нурланбек Шакиевдин мамлекеттик гимнди өзгөртүүгө байланыштуу айткандарына комментарий берди. Ал спикердин билдирүүсүн анын жеке пикири катары кабыл алуу керектигин Фейсбук баракчасына жазды. Алагөзов "мамлекеттик гимн өзгөртүлөт деп дүрбөлөңгө түшүүгө негиз жок" экенин белгилеген. "Анткен менен бул пикир коомчулукта, социалдык тармакта азыр эле кызуу талкууга жол ачты. Эгерде мамлекеттик гимнди өзгөртүү демилгеси көтөрүлө турган болсо...