"Эл көйгөйүн сатира менен айтыш керек"

Токтосун Тыныбеков атындагы Жалал-Абад облустук филармониясы Бишкек шаарында алгачкы отчеттук концертин өткөрдү. Эгемендик мезгилдерде чыгармачыл жамааттын борбордо маданий саамалыктары уюштурула элек болчу. Облустук филармониянын кызматкерлери "Азаттыкка" маек куруп, маданий жайдын жаңылыктары, аймактагы интеллигенция өкүлдөрүнүн коом алдындагы жоопкерчилиги тууралуу кеп кылышты.