Европа өнүктүрүү банкы Кыргызстанга 70 млн евро бөлөт

Европа реконструкциялоо жана өнүктүрүү банкы (ЕРӨБ) Кыргызстанга 70,43 млн евро бөлөт. Тиешелүү документке Министрлер кабинетинин төрагасы Акылбек Жапаров 28-ноябрда Лондондо сөз болуп жаткан банктын президенти Одиль Рено-Бассо менен жолугушканда кол койгонун өкмөттүн басма сөз кызматы билдирди. Европа реконструкциялоо жана өнүктүрүү банкы бере турган акчанын 47,3 млн евросу Ысык-Көл айланма жолун реконструкциялоого (Балбай баатыр айылынан – Каракол шаарына чейин), 14,63 млн евросу Кыргызстанда электр тармагын санариптештирүүгө...