Нарында жети жаштагы кызды өлтүрүүгө шектүү 12 жылга кесилди

Нарын облусунун Орто-Нура айылында жети жаштагы кызды өлтүрүүгө айыпталган адам 12 жылга кесилди. Мындай өкүмдү Нарын райондук соту 22-августта чыгарганын Нарын облустук сотунун басма сөз кызматы 27-сентябрда билдирди. Жабырлануучу тарап өкүмгө нааразылыгын билдирип, кийинки инстанцияга кайрылды. Иш облустук сотто кийинки аптада каралышы мүмкүн экени айтылды. 28-апрелде Нарын районунун Орто-Нура айылында жети жаштагы кыз мектептен чыккан бойдон үйүнө жетпей калган. Анын сөөгү эч ким жашабаган үйдүн ичинен табылган.