Кыргызстандын Малайзиядагы элчиси кызматтан бошотулду

Кыргызстандын Малайзиядагы элчиси Алтынбек Жумаев кызматтан бошотулду. Тиешелүү жарлыкка президент Садыр Жапаров кол койгонун өлкө башчынын басма сөз кызматы маалымдады. Жумуштан эмне себептен алынганы айтылган жок. Ал бул кызматка ушул жылдын май айында дайындалган. Алтынбек Жумаевдин кесиби юрист жана журналист. 1998-2000-жылдары Улуттук телерадио корпорациясында иштеген. 2005-2006-жылдары өкмөттүн аппаратында эксперт болгон. 2010-жылы “7-каналды” (“Канал D”) негиздеп, соңку убакка чейин аны өзү жетектеп келген.